RENETIL atu halao fali Kongresu ba dala 5 iha dia 17-19 Junho agora. Tuir fali ha 20 de Junho ita komemora aniversariu RENETIL ba dala 20. Eventu boot rua konvida fila fali membrus hotu-hotu atu atu hasoru malu fali, no koalia mos kona ba asuntus balun nebe preciza ita hotu nia kontribuisaun.
Kongresu nee sei diskut asuntus kona existencia, misaun no papel, no estrurua RENETIL iha kontextu atual. Tema geral mak "Reajustamentu misaun RENETIL iha kontextu atual". Iha tema nee nia mahon ita sei diskute kona ba:
1. Ita sei preciza RENETIL hanesan organizasaun de masa juventude estudantil ka lae?
2. Se sei preciza ho vizaun, misaun no estrutura oinsa? Se la preciza ona, ita preciza kria meius saida para kontinua papel nebe uluk RENETIL halo, iha situasaun atual.
Nee topikus balu nebe determinante iha kongresu nee. Sei iha tan asuntus seluk nebe preciza ita hotu nia hanoin. Nee duni kompanheirus hotu mai ita prepara kongresu nee no tau ita nia hanoin hodi halo mudansa ruma nebe relevante no bele responde necessidades povu TL tuir kapacidades nebe ita iha.
Kongressu no aniversariu RENETIL konvida ita hotu halibur fila fali no halibur ita nia hanoin atu hadian TL nia moris.
Kumprimentus no hakoak ba hotu-hotu,
Jose A. Neves Samalarua
Secretariu Geral
No comments:
Post a Comment